Ruhani: İron deştə hamsuyə kişvəron çokə rabitəş heste.

İroni prezident Həsən Ruhani ımruj dıvlət kabineti iclosədə bə İroni xarıci siyasətədə stratejik doktorina işorəş karde və votışe: ğərəz 2 qılə kişvər ki ıştən bəznın İron deştə hamsuyə kişvəron çokə əloğəonış heste.

Ruhani bə İroni bəndəron və portonədə bıə zərfiyəton işorəş karde və votışe: İroni portonədə bıə zərfiyəton bo şimol-cənub karidori komil kardero çokə zərfiyətonış heste.

Prezident Ruhani şimol- cənub osonə ro komil karde bo beynəl xalğ tranziti qıləy yolə plan və porkişet bə hisobış varde ki Hind okiyaniku bə Avropa bəşe.

Həsən Ruhani anti İron hərəkəton çərçivədə bə İron fişar varde qıləy be foydə hərəkət zınəş be ki hiç faxt İroni dıvlət və milləti miyono coəti ığande bois ni bəbe.

Boçi ki millət Amerkə və sionist rejimi vədə de oğoəti və hoşinəti muğavimət kardedən.