İron iyən Rusiyə miyono bıə dıroz mıddətə həmkari muğavilə ijən tojə kardey bəbe.
İroni xarıci vəzir İron iyən Rusiyə miyono bıə dıroz mıddətə həmkari muğavilə ijən tojə kardeku xəbəş do və əy bənə stratejik sazişi bə hisobış varde.
İroni xarıci vəzir Muhəmməd Cəvad Zərif zinə Tehronədə de Rusiyə Dumay məclesi xarıci əloğəon kamissiya rəis Leonid Sloteski vindemioni cərəyonədə 2 qılə kişvəri miyono bıə həmkarion xususi parlamentom miyono əloğəonış vey muhim zınəş be və bə stratejik həmkarion idomə təkidış karde.
Im mulağatədə Rusiyə Dumay məclesi xarıci əloğəon kamissiya rəis Leonid Sloteski həm Koronavirusi zəmonədə bə İron ıştə səfəri Tehron-Maskva əloğəon nığıləti nımunə iyən muxtəlif mıvzoon barədə 2 qılə kişvəron zumandə rabitəon əlomət bə hisobış varde.
İroni xarıci vəzir iyən Rusiyə Dumay məclesi xarıci əloğəon kamissiya rəis ım vindemonədə 2 tərəfi məsələon kənoədə, xususi iğtisodi həmkarion, muxtəlif muhimmə məsələon əcumlə ətomiyə saziş, Suriyə, İrağ, Yəmən, Liviya, həmçenin təşkilaton və onemonon çərçivədə Tehron-Maskva reqiyonal iyən beynolxalğ həmohənqion barədə muzakirə və votımon kardışone.
Rusiyə Dumay məclesi xarıci əloğəon kamissiya rəis Leonid Sloteski ki de İroni ali rəsmi şəxson vindemon karde hədəfi Tehronədəy, zinə de İromi islamiyə şura məclesi rəis Muhəmməd Bağər Ğalibaf həm vindemon və muxtəlif mıvzoon barədə muzakirəş karde.
