Xaf-Hərat osonə ro bə istismor rəsey.
De İron iyən Əfğanistoni prezidenton virtual iyən onlayn iclosi 140 kilometr məsofəş bıə Xaf-Hərat osonə ro bə istismor rəsə.
Bə İrna raporti əsos, İroni prezident zinə həminə ğətariyə xəttiku istifodə karde mərosimədə bə Əfğanistoni millət və dıvləti xətob votışe: ımruj bo İron və Əfğanistoni yolə millətiro koonədə hostonəti ruje, 2 qələ millət ki 1 qılə rişə, 1 qılə torix iyən 1 qılə məntəğşone və tule tarixədə ıştə bıvəti və hamsuyətişon bənə vey çokə şərik oqətəşone.
Ruhani əlovəş karde: İron və Əfğanistoni miyono bıə əloğəon həmmişə dılon, fikon, mədəniyəton, rəftor iyən cəhdon cəhəto be və ımruj İron iyən Əfğanistoni miyono bıə əloğəonədə qıləy tarixiyə ruje.
Əfğanistoni prezident Muhəmməd Əşrəf Ğəni həm həminə mərosimədə bə Xaf-Hərat osonə ro poryekti veyə əhəmmiyəti işarəş karde və votışe, ım xətt reqional rabitəon iyən bə iğtisodi rifoh dast peydo kardero har 2 qələ kişvəri oxoş nıbıə zəhməton nəticə be.
Xaf-Hərat osonə ro şərğ-ğərb teranzit və ticarət karidori inkişofədə bə İroni şərği reqional iğtisodi zərfiyəton əlovə kardedə və həm Avropa-Asiya miyono məhsulon vırə bə vırə kardero İroni steratejik roli nışonəy.
Xaf-Hərat osonə ro de məntəğə kişvəron reyls rabitəon cəhəto 6 minnə ğətariyə xətte.
