Ermənistoni dukononədə İronıjə əmtəə.

İrəvanədə bıə Çaraz nomo dukon çı Erməni şahrvandon diğğəti bəştə tərəf cəlbış kardə, ım dukonədə ki de qıləy İronıjə ailə idarə bıdə İroni əmtəə hırye imkan heste.

Bə İrib raporti əsos, Çaraz nomo tukoni yol Narinə Ğarxaniyan ıştə ailə fəaliyəti barədə votışe: çəmə səy-cəhd ıme ki həminə tukonədə çı İroni vey keyfiyətinə əmtəə bə mıştərion bıdəmon ta çəvon rizoyət cəlb bıbu.

Bə Ğaxaniyani votəyon əsos, ım tukonədə xorək, kə təchizaton və jimoni ləvazimat həvatey bıdə və çəvon keyfiyəti xoto Erməni şahrvandon çəyku rozin.

Bə həminə raporti əsos, sıvoy İrəvon, bəlkəm ım kişvəri co vırəonədə həm çandə tukononədə çı İroni məhsulon həvatey bıdən ki vey mıştərionış heste.

Erməni zıvonədə Çarazi kələmə məno bıştə ğeyd bıə.