İroni xarıci vəzir: Tramp əqər ətomiyə mığavilə ləğv bıku, təəccub bəkay.

İroni xarıci vəzir votışe: əqər Amerika vıjniyə bıə prezident ətomiyə mığavilə bəkəno bınə ijən ləğv bıku, yəğin təəcub bəkay.

Bə İrib raporti əsos, İsveçrədə bıə Davos şəhri iğtisad beynəlxalğiyə icma iclosədə, İroni xarıci vəzir Məhəmməd Cəvad Zərif votışe: əqər Amerika vıjniyə bıə prezident, İron və 5+1 qrupi miyono ətomiyə mığavilə bəkəno bınə ijən ləğv bıku, yəğin təəcub bəkay.

Zərif ım iclosədə bə ətomiyə təvafoği rəseyro bə İron və dınyo 6 qılə yolə kişvəron miyono çandə saxtə mızakirəon işarəş karde ijən təkid kardə: çı Trampi devləti barədə İron tədbir siyasəti pidəşe və hələ hiç ğizavət kardedə ni.

Zərif həminə iclosi bə peşt bə jurnaliston voteşe: hətta əqər Tramp bıpyişe ətomiyə təvafoğ və mığavilə ləğ bıkə dınyo bə oxo nıbərəse.

İroni xarıci vəzir həmçınin çəy xoto ki Amerika devlət ətomi təvafoği çərçivədə məxsusən bankiyə həmkari və rabitəon sahədə bəştə əhd-pəymoni əməlış nıkardey xoto Barak Obama dıvlətış tənğıd kardə.

Zərif İronədə bıə omə prezidenti səçıni barədə həm votışe: muhimmə məsələ ıme ki İroni millət karde bəznen ıştə sərnıvışt və tale ıştən təyin bıkən və ım bo nezə şərğ iyən dınyo vey əməmiyətine.