Əfğanistoni vəziyət çı Amerkə siyasəton nəticəy.

İroni İslami şura məclesi milli əmniyət və xarıci siyasəti kamissiya uzv təkidış karde: Əfğanistoni ısətnə şərayet çı Amerkə səhvə siyasəton nəticəy.

Bə İrib raporti əsos, Fəda Huseyn Maliki bə Əfğanistonədə bıə tojə noəmnə şərayeti işarəş karde və votışe: Əfğanistonədə dəvardə 20 sori mıddətədə bıə Amerkə siyasəton bois bıə ki ımruj əfğani muxtəlif ğovm-qurupon yande vədə bımandon.

İroni İslami şura məclesi milli əmniyət və xarıci siyasəti kamissiya uzv əlovəş karde: Amerkə hiç faxt bə İ Bıə milləton təşkilati çərçivədə ğeyd bıə ıştə ehdəmonon və vəzifəon əməlış nıkardə.

Maliki votışe: Əfğanistonədə ısətnə şərayet qıləy imtiyoz be ki Amerkə de Taliban muzakirə karde çərçivədə bə ın qurupi doəşe.

Ğeyd kardənine ki de Əfğanistoni sulh muzakiron sə bey iyən Əfğanistoni tərk kardey barədə Amerkə iddio həmzəman Taliban qurupi tərəfo bə ın kişvəri muxtəlif şəhron həmlə şiddətin bıə, anədə ki ısət ın qurop zindonion ozod karde kənoədə Əfğanistonədə İslami hakımiyyəti bərpo kardış pidə.

Ən qıle şərayetədəy ki Əfğanistoni millət və dıvlət de Talibani muğabilə karde holədən.