Bəhreynı rəhbəron təşkil doə cinayəton vədə əzəmətinə mərcəe təğlidon xəbərdarəti

Ğom şəhrədə bıə əzəmətinə mərcə təğlidon Bəhreynədə bıə şiəyon iyən alimony ələyh ale xəlifə cinayətonışon məhkum karde.

Bə telerədyo aqentəti xəbon əsosi Ğom şəhrədə bıə əzəmətinə mərcə təğlid ayətullah Nuri Həmədani  ımruj xarice feğh dərsi tətil kardeədə bəhreynı devləti hərəkətış cəmaəti sulhinə etirazinə hərəkəton təziği jiyədə ğəror doeyu iyən çı məmləkəti yolə ruhani şeyx İsa Ğasımı vədə na səhihə hərəkətonış məhkum karde.

ayətullah Nuri Həmədani əlavəş karde ale xəlifə iyən ale səud de sioniston iyən inqiltərə tərəfdarətion şiəyon vədə mandən əmmo bızonon ki ım hərəkətəndə əvon tov varde nibəznen.

ım yolə mərcə təğlid beynəlxalğə ictimaiyyətonku tələıbış karde bə bəhreynı məzlumə milləti zid ale xəlifə cinayəton vədə tam nıjənon və çı məmləkəti milləti həxiku mudafiyə kardeədə insonə həxon barədə doə bə şoaron əməli bıkən.

coqlə mərcə təğlid ayətullah Nasir Məkarim Şirazi həm Ğom şəhrədə xarece feğh dərsi orəxeədə de bəhreynı şiəyon iyən alimony ale xəlifə zılminə rəftoron xoto xəbərdarətiş do və əlavəş karde bə bəhreynı məmləkət hakim bə rejim bəpe ironi şah iyən Liviya məmləkətdə Məmər Ğəzzafi taleku dərs bıqəton və bıznon jıqo tale həm çəvon intizarədəy.

Ğom şəhri diniyə tələbəon iyən alimony ımruj ıştə dərs kilason tətil kardeədə Fiziyə mədrəsə vədə cəm bedən və bəhreynı rəhbəron ğeyre insoniyə hərəkəton məhkum kardən.