Admiral İrani: canq meydonədə İroni zumandəti veye.

İroni ərtış dıyo ğıvvon fərmondə votışe: ımruj canq və əməliyot sahədə İroni zumandəti vey iyən təkyə kardənine.

İroni ərtış dıyo ğıvvon fərmondə Admiral Şəhram İrani, Zulfəğar nomo hərbi təlimi kənoədə votışe: həminə manevri dəvoniyeyku hədəf ğıvvon miyono həmohənqi və ərtış 4 qılə ğıvvon nakonə fərmondəon təcrubə bə tojə kadron ovoştoniyeye.

Əv bo İroni əmniyəti təmin kardeyro cıvonə koəkəyon de canq meydoni oşno bey ın manevri co hədəfonku bəyonış karde.

Admiral İrani bə ın ğıvvə tərəfo çandə de terrorizm mubarizə barde iyən dıyo ticorəti əmniyəti təmin kardeyro de dızdon mubarizə bardey əməliyaton həm işarəş karde.

Imsornə sori Zulfəğar hərbi təlim ki dəvardə haftə bıno bıə de ərtış ğıvvon zumandəti əlovə karde hədəfi zinə bə tojə mərhələ varid bıə.

həminə mərhələdə de informasiya tojə texnikon iyən bumi muasir təchizoton vositə muxtəlif silason əcumlə tojə dronon de muvəffəğiyəti test bıə.