Ermənıstonədə İronşınosi iclos.

De İrəvoni İronşenasi universiteti vositə Ermənistonədə farsi muasir şeri təhəvvolaton təhğiğ kardey nomo iclos de kali ustadon, tələbəon iyən farsi ədəbiyot və şeri aşiğon iştiroki bərpo be.

Bə İrna raporti əsos, İrəvoni İronşenasi universiteti təhğiğ mərkəzi yol Vartan Voskasiyan ın iclosədə votışe: farsi şer çı İroni mədəniyəti oveynəy.

Voskaniyan çı Farsi şeri zıney və de çəy təhəvvol və təkamoli oşno bey bo İroni mədəniyəti piyə kəson lozim və əhəmmiyətin bə hisobış varde.

İrəvoni İronşenasi universiteti təhğiğ mərkəzi co qılə ustad, Qarnik Qeorkiyan həm ım iclosədə votışe: Farsi muasir ədəbiyot vey zərfiyətonış heste ki çə İroni mədəniyəti bəmə yod doydə.

Əv umidvar məndəy ki bo Ermənistoni tələbə iyən mıhəğğiğonro zəminə icod bıbu ta dıştə əsəron vositə de İroni şairon və mədəniyəti çimiku vey oşno bıbun.

In iclosədə İrəvoni İronşenasi universiteti tələbə iyən ustadon ıştə təhğiğon təğdim kardışone.