De Həzrəte İsa Məsih(ə)-i milad ruji mınosibəti təbrik.

Imruj Dekabrə manqi 25 ijən Həzrəte İsa Məsih(ə) moəku bıə ruje.

Kərim Ğıronədə Həzrəte Məryəm(s)-i qiramiyə zoə, Həzrəte İsa Məsih(ə) de Ruhullah nomi ğeyd bıə.

Həzrəte İsa(ə), çı yəhudiyon osmoniyə kitob Turatədə ğeydış karde ki mıku bəpeşt de Əhməd(yəni islam dini qiramiyə peyğombər(s)) nomi qıləy Rəsul bome,.

Məsihion, İsa(ə) milad ruji xoto vey məxsusə şoə mərasimon bərpo kardedən ki kədə noyə sori yolkə səpo karde çəy məşhur adətonin.

Bə həminə mınosibəti xoto, zinə şəviku İroni ermənion və məsihion məxsusə şoə mərosimon bərpo kardəşone.

Məsihion miyono Həzrəte İsa(ə)-i moəku bıə ruji barədə ixtilafoni heste, əmmo əvon qırd Yanvari i minə ruji bənə noyə sori i minnə ruji ğeyd kardedən.

Bə həminə mınosibəti əloğədor, İroni prezident, İbrohim Rəisi Həzrəte İsa Məsih(ə) milad ruji ğeydiyati bə dınyo muxtəlifə kişvəronədə bıə məsihi rəsmi şəxson iyən ə həzrəti tərəfdaron xususi çı dınyo katolikon lider Pap Fransis təbrik votış.

İroni məclesi rəis Muhəmməd Bağir Ğalibaf həm qıləy mesajədə Həzrəte İsa(ə) milad ruji ğeydiyati bə məsihiyə kişvəron parlament rəison təbrik votışe ijən ilahi dinon tərəfdaron miyono sulhi orzoş kardə.

İroni Rəşt şəhri Tolışi Rədio tərəfo həm ımrujnə ruji, Həzrəte İsəbne Məryəm(ə) milad ruji ğeydiyati bə şəmə təbrik ərz kardedəmon.