Erməniston çı Tırkiyə məhsulon sanqsiya peqətşe.

Ermanistoni dıvlət rəsmən çı Tırkiyə məhsulon sanqsiya peqəteyku xəbəş do.

bə Fransperess raporti əsos, Ermənistoni iğtisod vəzir de qıləy bəyoniyə sadir kardey vositə elanış karde ki maştə yəni yanvari 1 minnə rujiku anti Tırkiyə sanqsiyaon pebəqəte.

ın bəyoniyədə ğeyd be ki: jığo bə ğərol omimon ki ımrujnə rujiku həni çı Tırkiyə mol-əmtəə vədə bıə sanqsiyon mıddət dıroz nıbu.

Ğeyd kardənine ki dəvardə sori Yanvariku iyən bə Ğərəboği tojə canqi bino bey xoto Erməniston çı Tırkiyə məhsulon bə ın kişvəri varid bey vədə mane bıdə be.

Ermənistoni ın ğəroli illət həmonə canqədə bə Tırkiyə bə Boku doə hərbi koməkon be.

Isət çan faxt bıdə ki Tırkiyə və Ermənistoni miyono əloğəon bə normal bey tərəf şedə.