Şeyx İsa Ğasim bə sionist rejimi vədə muğavimət kardey zəruriyati təkidış karde.
Feb 14, 2022 13:32 Asia/Tehran
Bəhreyni şiəyon lider ijən de sionist rejimi sazişi rəddış karde və bə ın rejimi vədə muğaviməti dəvom təkidış karde.
Bə İrna raporti əsos, Bəhreyni şiəyon lider ın kişvəri milləti Fevrali 14 nomo bıə yolə inğilobi sorəqardışi mərosimədə votışe: ın ki ısət çı sionist rejimi hərbi mışoviron Bəhreynədən nışo doydə ki əvon lştə təcavuzkorə siyosət-əməliyoti de Bəhreyn rejimi vositə məntəğədə icro kardışon pidə.
Bəhreyni şiəyon lider ijən bə Bəhreyni milləti ğiyomi bənə qıləy vohidə hərəkəti dəvom peydo karde tosə bə səbarzəti rəse zəmoni təkidış karde.
Bəhreyni millət milodi 2011 minnə sori Fevraliku bə Ali-Xəlifə zidd bıə ıştə hərəkət-ğiyomi bino kardəşone və boştə milləti ozodəti, ədolət və nohəxion ləv bey tələb kardən.
