Hicobi cəncol bə Hindustani vey yolə ştati rəsə.

Hindustani cənubədə kinə tələbəon hicobi vədə məhdudiyəton bə ın kişvəri vey cəmiyətış bıə məntəğə Otarpradış ştati rəsə.

Bə Ruyterz aqentiyəti raporti əsos, Hindustani rəsmi şəxson dəvardə haftə iyən mısılmonon bə hicobi  məhdudiyəton eterazon hevuj bey bəpeşt məcbur mandən ki Karnataka ştatədə universeton tətil kon. Dıvləti tərəfo ın ko çı mısılmonə tələbəon eterozi vəy qəte bois nıbe.

Tojədən xəbə omə ki Otarpradış ştatədə həm çandə mısılmonon bə rəsmişəxson muraciət kardəşone iyən kinəon hicubi vədə məhdudiyəton ləğv bey tələb kardən, çəvon nəzə ıme ki Hindustani tərəfo jığonə nohəxə ğənun çı hindustani mısılmonə cəmiyəti izolasiya karde çərçivədə əncom bıdə.

Halihozirədə Hindustani dərs sinifonədə hicob qəte ğədəğən bıə əmmo co vırəonədə çəy rioyətiro mane ni.

Otarpradış çı Hindustani hakimə partiya yol Narendra Mudi hakimiyəti dıvranədə vey de jığonə anti islom ğərolon bə ico be ki çəy əsliyə hədəf siyasi ğeyd bıə.