Hindustanədə Nəvuzə idi mərosimon.
Bə Nəvuzə idi xoto, Hindustanədə bıə İroni səforətxonə çın yolə idi barədə muxtəlif qovmonədə bıə adət-ənənonku şikil və filmon sisyal şəbəkəonədə pevloş karde.
Bə ilami rabitə və mədəniyət təşkiloti umumi rabitəon mərkəzi raporti əsos, Hindustani Bəmbəiiədə bıə İroni mədəni mışovir və çı İroni mədəniyət kə mudir Mohsen Aşuri votışe: qıləy sərzəminədə adət-ənənon həmonə sərzəmini milləti milli vəhdəti qarantiya kardeydə və ısətnə iyən nakonə nəslon miyono bıə torixi rabitəon bois bıdə ki milli şəxsiyəti zumandəti amil bə hisob omeydə.
Aşuri əlovəş karde: Nəvuz çı İronıjon nuyə sori dəme və şe ğədimi İroniku bə yadeqar mandə adətonku bə hisob omeydə.
Hindustani Bəmbəiiədə bıə İroni mədəni mışovir və çı İroni mədəniyət kə mudir ijən votışe: Nəvuzə idi rişə İronədəy və ısət həm çı İroni millət və İroni mədəniyəti jintonədə bıə kişvəron iyən cəmaəton nəvuz mərosimi dəvoneydən.
Aşuri bə Hindustanədə Nəvuzə idi mərosimon dəvoniye və ın idi bəji mande işorə və təkidış karde: Hindustani nimə ğitə sərzəminədə həm nəvuzə id de məxsus cilvəon əncom bıdə və bəy ehtiron nodən.
Əv əlovəş karde: Bə Nəvuzə idi xoto, Hindustanədə bıə İroni səforətxonə çın yolə idi barədə muxtəlif qovmonədə bıə adət-ənənonku şikil və filmon sosyal şəbəkəonədə pevloş kardə ta Hindustani millət xususi cıvonə nəslon de ın İronıjə kanə və ğədimi adəti vey oşno bıbun.
