Əfğanistoni islamiyə hərəkati Rəzəvi hərəmədə bıə terroristi əməliyoti məhkumış karde.
Əfğanistoni islamiyə hərəkati de qıləy bəyoniyə sadir kardey vositə Rəzəvi əhərmədə tojə terroristi həmlə məhkumış karde və əy istikbori tərəfo qıləy tojə kəşə fitnəkorə xəbisə plan bə hisobış varde.
Bə Əfğanistoni AVA aqentiyəti raporti əsos, Əfğanistoni islamiyə hərəkati de qıləy bəyoniyə sadir kardey vositə İmom Rıza pokə hərəmədə dini alimon terrori şiə və sınnion miyono təfrəğə icod əkə koy bə hisobış varde ki de məzhəbi nifrəti icod kardey hədəfi əncom bıə ta mısılmonon miyono bəd bini icod kardey bois bıbu.
In bəyoniyədə bə həminə terroristi həmlə peştədə bıə beynəlxalğ istikbori roli təkid bı.
Əfğanistoni islamiyə hərəkati ıştə bəyoniyədə İroni rəsmi şəxson və mediaonku ğədrdonətiş karde ki ın hadisə barədə de huşinə vindemoni və məsələ həssasiyəti dərk kardey vositə dırıstə vindemoni elan kardışone.
