Bə ale xəlifə zid Bəhreynı milləti etirazinə mitinqi dəvom.

3 qılə bəhreynıjə şəhrvandi kışte bəpeştə ki bə Bəhreynı daxiliyə vəzorətxonə idda əsosi pidəşon be deyoku bıtılon çı məmləkəti xışmqinə şəhrvandon bəhreynı mıxtəlif məntəğonədə etirazinə mitinqışon bərpo karde.

Bə Fars aqenti xəbon əsosi Bəhreynı millət zinə şanqo çı məmləkəti mıxtəlif məntəğonədə etirazinə mitinq bərpo kardeədə Rıza Əlğəsrəh 29 sorə  Məhmud Yəhya 22 sorə və mustəfa Əbd Əli 35 sorə kışteşon ki bəhreynı şərğ ale xəlifə deyo ğıvvon ğandə qullə nəticədə kıştə bən məhkumışon karde.

etirazinə mitinq bərpokardə kəson bəhreynı podşo Həməd Bin Ale Xəlifə məhkum kardeyu soar dodə bin və əvışon çı cinayəti məsulışon zınə.

ale xəlifə hərbion Bəni Cumrəh məntəğədə Rıza Əlğəsrəh jimon kardə mahlə iyən coqlə məntəğonədə bə etirazinə mitinqi bərpokardə kəson tərəf qullə və qaz ğandən.

bəhreynı məmləkəti daxiliyə koon vəzorətxonə zinə elanış karde 10 qılə zindoni ki bı rujonədə Cov nomo bıə mərkəziyə zindoniku tılə bin və deyoku tıle ğəsdışon hest bı ki qullə ğande nəticədə 3 nəfər bəvonku kıştə və 7 nəfər həm dəstqir bedən.