Tırkiyə ijən bə de sionist rejimi əloğəon inkişofi təkidış karde.
Tırkiyə pidəşe de sionist rejimi ıştə əloğəon inkişof bıdə.
Tırkiyə prezident Rəcəb Təyyeb Ərdoğan həmmişə sionist rejimi işğalçiyə rəftoron və cinoyəton vədə bə Fələstini millətiku himoyədorəti təkid kardedə.
Tırkiyə miladi 1949 minnə sori sionist rejimış rəsmi zınəş be və həmonə zəmoniku tosə bə ısət de ın rejimi nezə iğtisodi hərbi həmkarionış be.
İddioon əks Trkiyə de ın rejimi miyono bıə məxfi həmkarion həmmişə dəvomış be, hətto çand faxt çimi bənav sionist rejimi rəis həm de Tırkiyə prezidenti rəsmi dəvəti bə Ankara səfərış kardə be.
Bə İSNA aqentiyəti raporti əsos, Tırkiyə xarıci vəzir tojədən bə Fələstin işğali ərazi səfəri cərəyonədə de İ bıə Ərəbə Əmirəti xarıci vəzir Əbdullah Bin Zaid vindemoni cərəyonədə votışe: Tırkiyə bə de sionist rejimi rəsmi şəxson votımonon dəvomi təkidış heste və əloğəonədə bəpe fasilə iyən ixtilof icod nıbu.
De israil rejimi əloğəon normal bey çərçivədə Tırkiyə tojədən elanış karde ki bə sionist rejim çı Tırkiyə ixrocati miğdor dəvardə sori muğaisədə 33 faiz ziyod bıə iyən bə 711 milyon dollar rəsə.
