İroni natə vəziri bə Boku bıə səfə.
Boku Enerji icma 27 minnə iclos iyən Kaspi nat və qaz 27 minnə beynəlxalğə nımoyeşqoədə iştirok kardeyro bə Boku səfəş karde.
Bə İrna raporti əsos, İroni nat vəzir, Cəvad Oci zinə Boku Enerji icma 27 minnə iclos iyən Kaspi nat və qaz 27 minnə beynəlxalğə nımoyeşqoədə iştirok kardeyro qılər 3 rujə səfəri çərçivədə bə Boku səfəş karde.
In bərnoməon tosə i yoni 4 dəvomış bəbe və de Azərbaycan Respublika enerji vəzorətxonə iyən Sokar şirkəti himoyəon bərpo bəbe.
Kaspi nat və qaz beynəlxalğə nımoyeşqoədə Azərbaycan Respublika mıstəğilləti bəpeşt həmişə və har sor dəvomış be ki 250 qılə şirkəti dlnyo muxtəlif kişvəronku çəyədə iştirok bəkan.
İroni nat vəzir həminə beynəlxalğ iclosonədə iştiroki bəkəno de muxtəlif kişvəronku nımoyəndə və vəziron vindemon və muzakirə bəkarde iyən nıtğış bəbe.
