İron çı Hindustani səfiri vanqış karde.
Hindustani qıləy televeziya kanalonədə bə Yolə Pəyğombər(s) tovhin və bebehtıroməti kardey bəpeşt İroni xarıci vəzorətxonə çı Tehronədə bıə Hindustani səfiri vanqış karde.
Bə Fars aqentiyəti raporti əsos, həminə beehteroməti bəpeşt, İroni xarıci vəzorətxonə Cənubi Asiya baxşi mudir Seyd Rəsul Musəvi Tehronədə bıə Hindustani səfiri vanq iyən çı İroni millət və dıvləti rəsmi eterozi bə Hindustani dıvlət ibloğış karde.
Hindustani səfir həm ıştə təəsufi həminə macəra barədə bəyon və bə İslam peyğombər(s) ehteron nome kənoədə votışe: ın çı Hindustani hukuməti rəsmi vindemon ni və tovhinədə şəxs Hindustani dıvlətədə hiç vırəş ni və fəğət bənə partiya uzvi sıxanış kardə ki çı sıhbəton çəy ixroci bois bıə.
Ğətər və Kuveyt həm ıştə kişvərədə bıə Hindustani səfiri vanq kardışone.
Hindustani ifroti hakimə partiya sıxanəvot, Navin Kumar Cindal tojədən çın kişvəri qıləy televezia bərnomədə ojə oşkor bə Xıdo Rəsul(s) sahət iyən məğomi beehteromətiş karde ki İslam dınyoədə ciddi və hevujə reaksiyaon bois bıə.
