Əmir Əbdullahiyan: əqə Amerkə niyyət ciddi bıbu, təvafuğ həm icod bəbe.
İron İslam Respublika xarıci koon vəzir bə ım nuktə işorəş karde ki İron hiç vaxt ıştə sıə xəttoku rəd nibəbe, əlovəş do: əqə Amerkə niyyət ciddi bıbu, təvafuğ həm icod bəbe.
Anti İron sanksiyaon ləğv kardey barədə, Viyanaədə 8 minnə dıvrə muzakirəon tojədən Miladi Martə manqi 11 minnə rujədə və de Avropa ittifoği xarıci siyasəti rəsmi şəxs, Cozep Borli təklifi, bə tənəffosi dıvrə varid bıə iyən muzakirə əkəyon siyasi məşverətonro bəştə paytəxt şin.
Həmonə zəmoniku tosə bə ısət, bə İron iyən atomiyə sazışi barədə Amerkə ğəyre ğanuniyə hərəkəton xoto ki de Amerkə bəhonəon vositə əncom bıə, muzakirə behərəkət mande.
Əlovə kəmon ki ım muzakirəon, Miladi 2021 minnə sori Dekabrə manqi 27 minnə rujiku bino bıə be.
Bə Fars aqentiyəti raporti əsos, İron İslam Respublika xarıci koon vəzir Husein Əmir Əbdullahiyan ki Kaspi məntəğə kişvəron xarıci vəziron iclosədə iştirok kardeyro bə Tırkəməniston səfərış kardə, zinə şəv, iyən Eşğ Abadədə İron İslam Respublika səforəti koəkəyon iyən çəvon ailəon cəmədə işorəş karde ki Dohaədə, sanksiyaon məhv kardeyro kali votımonon əncom bıə.
Əv ijən votışe: bə Amerkəvıjon nota domone ki əqə ğətnomə royədə hərəkət kon əmə həm əvəzi bekardə hərəkəton əncom bədamon, iyən çəvonku tələb kardedəmone ki siyasi royədə, votımonon əncom bıbu, ta sanksiyaon məhv kardeyro bə təvafuğ bırəsəmon ta Viyanaədə ım mıvzo elan kəmon.
Əmir Əbdullahiyan ijən əlovəş do: İron ıştə atomiyə sazışi tojə fəaliyəton ğanuni surəti bə atom enerji təşkiloti elan kardəmone iyən çəmə zumandə alimon ki veyni cıvonin vey muvəffəğin. əmə qıləy ğətnomə ğolibədə bə atom enerji təşkilat elan kardemone ki pidəmone çand qılə tojə santifoqon istehsol iyən urani qəncin kamon, və tojə santifoqon bə istismor bırosəmon.
Əv ijən votışe: bə şok, stabil iyən zumandə təvafuği rəseyro hozzoim və vey ciddim, qıləy holədə ki İroniro de muxtəlifə roon Bayden vey mesajon vığandəşe, və təkidış kardə bə təvafuği rəseyro, çıme irodə ciddi və ğoyme əmmo əmələdə əmə Amerkədə Trampi dıvrə metod yəni maksimum təziğon iyən sanksiyaon mışohidə kardedəmon.
