Ərdoğan Tehronədə de Putin vindemon kardış pidə.

Tırkiyə prezident aparati rəis xəbəş doə ki Ərdoğan pidəşe ıştə bə Tehron bıə səfəri cərəyonədə de Rusiyə prezidenti vindımon bıkə.

Bə Fars aqentiyəti raporti əsos, jığo elan bıə ki Rusiyə prezident Veladimier Putn maştə iyən Suriyə bzarədə bıə 3 tərəfi iclosədə iştirokiro bə Tehron səfər bəkarde.

3 qılə prezident çı Suriyə oxonə təhəvvolaton, de terrorizm mubarizə barde iyən Suriyə miqranton barədə sıhbət bəkan.

Tırkiyə xarıci vəzorətxonə həm qıləy bəyoniyə çərçivədə Thronədə bıə səfəri cərəyonədə çı Astanə nomo iclosi barədə muzakirəonro Ankara hozzıətiku xəbəşon do.

Rusiyə, Tırkiyə iyən İron tojə soronədə çı Suriyə bıhroni sə kardeyro veyə 3 tərəfi muzakirəon əncom doəşone.