Ğərəbaği konstitutsiya əvəz kardeyu bə sədo doe plani Turkiyə reaksiya.
Turkiyə xarici koon vəzorətxonə fevrali 20 nə ruji Ğərəbaği konstitusiya əvəz kardeyuy sədo doe mərasimi dəvoniyeş beynəlxalğə həxon ləğv kardeş zınə.
Bə telerədyo aqentəti xəbon əsosi Turkiyə xarixi koon vəzorətxonə sıxanəvot zinə qıləy bəyonotdə elanış karde Ankara ğərəbağədə sədo doe bərnamə İ bə milləton təşkilati əmniyyətiyə şura ğətnamə iyən avropa əmniyyət və həmkarəti təşkilati usuliku bə kəno zındəy.
Turkiyə xarici koon vəzorətxonə əlavəş karde jıqo hərəkəton de sulhinə roon bə Ğərəbaği məsələ həl karde zərbə bəjəy.
Ankara işarəş karde Ğərəbaği behron cənubi ğəfğaz məntəğədə sulh əmniyyət və həmkarəti kardeyu muhimmə mane heste.
Turkiyə xarici koon vəzorətxonə bəyonotədə oməy ki 2016 minnə sori aprelə manqi dave nışon dodə ki Ğərəbaği ısətnə vəziyyəti hifz karde ğeyre mumkine və de sulhinə roon ım behroni həl karde zərurətış heste
