Əmirəbdullahiyan: atom enerji beynəlxalğ təşkilat bəpe siyasi rəftoronku fasilə bıqəto.

İroni xarıci vəzir votışe: atom enerji beynəlxalğ təşkilat bəpe siyasi rəftoronku bəkəno bımando.

Bə Fars aqentiyəti raporti əsos, zinə İroni xarıci vəzir Huseyn Əmirəbdullahiyan de Rusiyə xarıci vəzir Serqey Lavrofi vindemoni bəpeşt, ıştə instaqram səhifədə nıvıştəşe: atomi enerji beynəlxalğə təşkilat bəpe siyasi rəftoronku fasilə bıqəto iyən fəğət bəştə məsuliyət və texniki koy diğğət bıko.

İroni diplomatiya təşkilati rəis ijən təsdiğış karde: İroniro ğəbul kardənin ni ki vaxti həmmə tərəfon bə atomiyə sazışi oqardəşone tojədən bə İron İslam Respublika ələyh be əsosə ittihamon iyən siyasi nəzəon bəyon bıbu.

Zinə rujədə, Moskvaədə İron İslam Respublika xarıci vəzir Huseyn Əmirəbdullahiyan de Rusiyə xarıci vəzir Serqey Lavrofi vindemon iyən votımoni bəpeşt, qıləy mıştərəkə xəbəiyə iclosədə əlovəş karde: dınyoədə, atomiyə sulhomizə mıvzoədə İron bənə vey yolə əktivə kişvəre və əmniyyət icod kardeyro, harcurnə həmkoətiro hozzoe.

İroni diplomatiya təşkilati rəis həmçınin bəyonış karde ki Ukrayna məsələdə bəpe bə insoni, əsiron və Zaprojiya nomo bıə atomiyə stansiya mıvzoon diğğət bıbu iyən əlovəş karde: ım vəziyətiku xarıc beyro bəpe həmmə mucudə zərfiyətonku istifodə bıbu.