Rəyisi: İ Bıə Milləton Təşkilot, bəpe çı zumandə devləton təşkilot nıbu.

İron İslam Respublika prezident, Sed İbrahim Rəisi işorəş karde ki İ Bıə Milləton Təşkilat bəpe çı zumandə dıvləton təşkilat məbu, təkidış karde: sanksiya, terrorizm iyən canq çı unilateralizmi nəticəy.

Bə İrna raporti əsos, zinə İ Bıə Milləton 77 minnə umumi onemonon yolon iclosədə iştirokiro, Rəisi deştə ali heyəti sədrədə bə Niyu-York varid bıə, Rəisi jurnaiston cəmədə ım səfərədə ıştə bərnoməon barədə sıhbətış karde.

İron İslam Respublika prezident, bə Niyu-York varid bey əvvələdə, de jurnaliston votımonədə votışe: təbieye ki ım səfərədə de diğğət bıə icod bıə fırsət, İron İslam Respublika nəzəon təbyin bəbe və bə həmmə iştirokəkəyon və məsəkəson İroni mesaj bərosnom.

Ayətullah Rəisi, yolə ğudrəton səmtiku sanksiya bəhonə, de beynəlxalğə sulh iyən oroməti təzod zıneydə iyən əlovəş karde: umumi onemonədə, jığonə beynəlxalğə məsələon iyən muşkilaton barədə bəpe bəhs bıbu.

İron İslam Respublika prezident həmçınin İ Bıə Milləton umumi onemonədə, terrorizm məsələ co qılə məsələon bəyonış karde.

Zinə İ Bıə Milləton 77 minnə umumi onemonon yolon iclosədə iştirokiro, İron İslam Respublika prezident Ayətullah Rəisi deştə ali heyəti sədrədə bə Niyu-Yorki Can Ef Kəndi airort varid bıə.

İroni xarıci vəzir, Huseyn ƏmirƏbdullahiyan, xarıci vəziri siyasi muavin iyən sanksiyaon peqətey muzakirəonədə İRoni muzakirəkə kamanda yol, Əli Bağıri, prezidenti dəftərxonə rəis, Ğolam Huseyn Esmaili, prezidenti dəftərxonə siyasi muvin Muhəmməd Cəmşidi və milli əmniyyəti kamissiya rəis və Parlamenti xarıci siyasət, Vəhid Cəlolzodə, Niyu-york səfəri cərəyonədə,İron İslam Respublika prezidenti həmroəti kardedən.