Bə İroni peyk vığandey, dınyo reaksiyaon.
İroni peyk vığandey de muvəffəğ surətədə bə orbit vığandey de dınyo reaksiyaon dim bə dim bıə.
Zinə rujədə, İslamiyə İnğilobi Sepah Təşkilati ayrokosmik "Ğaem 100" nomo bıə peyk de muvəffəğiyət surətədə bə orbit vığandəş.
Bə İslamiyə İnğilobi Sepah Təşkilati ayrokosmik mərkəzi elani əsos, ım peyk karde bəzne peykoni kırniyey ki 80 kiloqerəm vəzn iyən tosə zəmini orbit 500 kilometr dırozi soybin.
Bə İroni İslamiyə Sepah Təşkilati ayrokosmik ğıvvə kamandir Qeneral Əmir Əli Hocizodə votə əsos, de ım mərhələ dəvardey, nezə vəomeyədə islamiyə İnğilobi Sepah ayrokosmik Təşkilat de "Ğaem 100" nomo bıə bərkə sutemoni peyki istifodə kardey vositə, orbitədə kəşfiyot texnoloqiya iyən rabitəon vəzarətxonə ayrokasmiki təşkilati Nahid nomo bıə peyk ğərorış bəqəte.
Bə Tele-Rədio aqentiyəti raporti əsos, vaxti ki ,İron İslam Respublika elanış kardə ki "Ğaem 100" nomo bıə peyki rəketi iminnə mərhələ maşini test de muvəffəğiyət əncom bıə, ım xəbə ictimai mediyaon və virtual şəbəkəonədə de veyə reaksiyaon dim bə dim bıə.
Dınyo mediyaon həminə İroni muvəffəğiyəti de Ərəbistoni tojə muvəffəğiyət yəni Halovin nomo bıə şoə mərosimi muğaisə kardedə.
Riyazədə ki Halovin nomo bıə şoə mərosim bərpo bıə be, virtual şəbəkəon və ictimai mediyaon koəkəyon və fəalon tərəfo məsxərə bıə.
