Serbiyaədə İroni xarıci vəziri vindemonon

İroni xarıci vəzir de Serbiya parlamenti yol vindemon və muzakirəş karde.

Bə İranpress aqentiyəti raporti əsos, Huseyn Əmirəbdullahiyan de Velodmiyer Oroliç vindemoni cərəyonədə bə 2 qılə kişvəron miyono parlament həmkoəti əhəmmiyəti işorəş karde.

Əv umidəvu mande ki 2 qılə kişvəri miyono parlament əloğəon kamissiya fəaliyət erjinə mıvcudə zərfiyətonku istifodə karde zəminə icud bıko.

İroni xarıci vəzir muxtəlif siyosi, iğtisodi və mədəni sahədə bıə əloğəonış vey barz iyən əəla vəsvış karde iyən bə 2 tərəfi həmkoətion səthi rost karde təkid kardışe.

Serbiya parlamenti yol Velodmiyer Oroliç həm ın vindemonədə əloğəon miğdori rost bey əhəmmiyəti barədə sıhbətış karde iyən bə İron-Serbiya parlamenton miyono vindemon və muzakironış çı inkişof cəhəto mısbət və təsirin zınəş be.

İroni xarıci vəzir Huseyn Əmirəbdullahiyan ki 1 şənbə bə Serbiya iyən Herseqovina varid bıə be zinə de ın kişvəri prezident iyən xarıci vəziri vindemon və muzakirəş kardə be.

Əv ısət bə Sarayevo varid bıə.