Əmirəbdullahiyan: de Boreli vindemon, dustanə iyən konstruktiv be.

İroni xarıci vəzir Huseyn Əmirəbdullahiyan ıştə Tvitterədə de Avropa ittifoği xarıci siyasəti rəsmi şəxs iyən ali nımoyəndə Cozef Boreli vindemon, şəffof, dustanə iyən konstruktiv bəyonış kardə.

Bə İrna raporti əsos, Zinə şəv Huseyn Əmirəbdullahiyan ıştə Tvitterədə təsdiğış karde: ım vindemonədə Vyana muzakirəon bə vırə rosniyero Borel bəştə irodə təkidış karde.

Seşəmbə rujədə İroni xarıci vəzir Huseyn Əmirəbdullahiyan İordaniya paytəxti Əmanədə, Bəğdad-2 konfransi kənoədə, de Avropa ittifoği xarıci siyasəti rəsmi şəxs iyən ali nımoyəndə Cozef Boreli vindemon iyən votımonış kardə.

Əmirəbdullahiyan bə muzakirəon navbənav nıvıştə əsos ki çand manqi saxt iyən təziğinə muzakirəon nəticəe, Vyana muzakirəon qırdə kardeyro, bə mıtəğubilə tərəfon tovsiyəş kardə ki de siyosi koon vəye qətey və konstruktiv və realistə metodon əncom doey vositə, təvafuğon elan beyro, lozimə siyasi ğərolon bıqəton.

Im vindemonədə Cozeb Borel oxonə manqon mıddətədə İron İslom Respublika vədə Avropa ittifoği metodon bəyon kardey vositə, atomiyə sazışi muzakirəon mıvzo co qılə mıvzoonku co zıneydə və Vyana muzakirəon bə vırə rosniyero, bə ittifoği irodə təkidış kardə.