Əmirəbdullahiyan: İron çı atom muzakirəon sazışi sə kardeyro hozzoe.

İroni xarıci vəzir votışe: atom sazışi oxonə ğədəmon peqətey iyən zalimonə sanksiyaon ləğv beyro İron tam hozzoe.

Bə İran Peres aqentiyəti raporti əsos, Huseyn Əmirəbdullahiyan zinə şəv qıləy Tvitter mesaji çərçivədə nıvıştəşe: İroni tərəfo həminə hozzoəti bə Avropa xarıci siyasəti yol Cozef Borel elan bıə əmmo ğeyd kardedəmone ki İRoni tərəfo jıqonə vindemon iyən muzakirəon pencə oj mandə daimi ni.

İroni xarıci vəzir çı Ukrayna bohrani barədə həm votışe: de diğğət bə Qoantanamo, Əboğorəyb, Yəmən, Əfğaniston və co vırəonədə bıə Amerkə cinoyəton ki vey ni bə jenon iyən hırdənon ələyh əncom bıə Vaşenqton həxış ni ki bəşər həxon barədə co kəson moizə və məzımmət bıko.

Ğeyd kardənine ki İroni xarıci vəzir Huseyn Əmirəbdullahiyan tojədən Əmmanədə Bəğdad-2 nomo iclosi kənoədə de Avropa xarıci sioyasəton yol Cozef Boreli vondemoni bəpeşt çı Avropa nəzə və ın iclosi mohtəva kanstruktiv və çok elanış kardə be.