Fransə səfiri bə İroni xarıci vəzorətxonə vanq karde

Fransə qıləy rujnomə Təhğiromizə hərəkət bə milli, dini iyən mərcəiyət simvolon və muğəddəsə prinsipon be ehteroməti kardey bəpeşt İronədə bıə Fıransə səfir bə İroni xarıci vəzorət xonə vanq kardə bəy.

Fransə Çarli Hepdo nomo jurnal tojədən qıləy beynəl-xalğ mısobiğə çərçivədə işrirokəkə karikatoristonış dəvət kardə ki bə milli, dini iyən mərcəiyət simvolon və muğəddəsə prinsipon təhğir karde xoto ıştə əsəron bə ın rujnomə bıvğandon ki həto əsəronədə vey beədəbə sıxanonku həm istifodə bıə.

Bə İRİB raporti əsos, bə həminə koy eteroz karde xoto İronədə bıə Fransə səfir Nikolas Rış bə İroni xarıci vəzorət xonə vanq kardə bəy ta İroni eteroz rəsmən bə Fıransə dıvləti elan bıbu.

Fransə Çarli Hepdo nomo jurnali fəaliyətonədə çand kərə bə İslam dini Peyğombər(s) iyən Kərimə Ğıroni zidd təhğiromizə karikatoron kəşe sabiğə vey muşahidə bıdə.