Anti Avropa iyən anti İnqilis sanksiyaon barədə İroni xarıci vəzorətxonə bəyaniyə
İroni xarıci vəzorətxonə çı Avropa i bemon iyən İnqilisi rejimi bəzi şəxson və təşkilatonış bə sanksiya siyahi əlovəş karde.
Bə İRİB raporti əsos, İroni xarıci vəzorətxonə qıləy əvəzi bıkarde siyasəti çərçivədə, çı Avropa i bemon iyən İnqilisi rejimi bəzi şəxson və təşkilaton nomi bə terrorizmiku himoyədorəti karde, terroristi hərəkəton təhrik iyən təşviğ kardey, anti mərdum huziyə koon təbliğ, daxıli koonədə mudaxiləon, duə məlumat iyən nadırıstə xəbəon muntəşir karde, iyən bə İroni milləti zidd iğtisodi terrorizmi şiddəti rost kardey xot bə təhrim iyən sanqsiya siyahi əlovəş kardə.
In bəyoniyə dəvomədə ğeyd bıə: İron islam respublika çı Avropa i bemon iyən İnqilisi rejimi hərəkəton ki rəsmən anti İron koon zəminə hozzo kardəşone məhkum kardedə iyən elan kardedə: Avropa i bemon iyən İnqilisi rejimi jığonə koon i bıə milləton təşkilati prinsipon poymol karde mənodəy.
İroni xarıci vəzorətxonə təsdiğış kardə ki İroni tərəfo təhrim bıə şəxsonro viza sadir nibəbe iyən İroni maliyə sistemədə bıə çəvon pulon bloka bıdə.
