İnvestisiyaro İron vey əmnə kişvər heste

Ommani Musəndəm ostandor bo investisiya İroni vey əmnə kişvər bə hisobış varde iyən votışe: İronədə bıə əmniyət iyən oroməti bə əloğəon inkişofi komək kardedə.

Bə İRna raporti əsos, Ommani Musəndəm ostandor İbrohim Bin Səid Əbu Səidi zinə İroni cənubədə bıə Hurmozqan və Şəhid Rəcaii folo sənaye fabrikaonku diyə karde cərəyonədə əlovəş karde: 2 qılə kişvəri miyono bıə əloğəon barədə çəmə nəzə vey ruşin iyən oko heste və bo 2 tərəfi əloğəon inkişofi komək bəkamon.

Əbu Səidi umdvar mande ki ğeyri dıvləti şirkəton bo həmkoəti inkişofi ko bıkə və şəkkımon ni ki Hurmozqani ostandori həminə cəhətədə əktiv iyən zumand bəmande.

Zinə Ommani Musəndəm nomo ostani yolon de ticori heyəton bə ico bə İroni cənub omin və de Hurmozqani rəsmi şəxson vindemon kardışone.

Əbu Səidi  zinə şəv çı Omman və Hurmozqani ticorət palata mıştərikə iclosi iştirok kardışe.