İndoneziyavıjon bə məntəğədə Ərəbistoni siyasəton etırazışon kardə.

İndoneziya kişvəri cəmaət bə məntəğədə Ərəbistoni siyasəton etırazışon kardə.

Bə İrna raporti əsos qıləy holədə ki Ərəbistoni keral bə İndoneziya səfərış kardə çın kişvəri cəmaət Cakartaədə bıə Ərəbistoni səfarət xonə vədə ıştə etıraz aksiyaonədə məntəğədə Ərəbistoni siyasəton əvəz bey tələbışon kardə.

Cəmaət bə məntəğədə Ərəbistoni siyasəton terroristiyə qruponku himoyə karde ijən çandə Ərəbistonədə de İndoneziyavıjə fəhləon bədə rəftoron dəvom peydo karde etırazışon be.

Tojədən həm qıləy xəbədə işorə bıə ki Ərəbistonədə çandə İndoneziya vıjə jınə muhacirə fəhləonku cinsi cəhətiku sui- istifodəşon kərdə ki ım cərəyan ziyod bey holədəy.

İndoneziya kişvəri cəmaət ijən de Ərəbistoni kerali səfəri həmzəman ıştə etıraz aksiyaonədə vanq kardə bıə şuaronədə Ərəbistonədə muhacir fəhləonku himoyə karde bə kəno Yəmənədə Ərəbistoni canqiyə cinoyəton həm məhkumışon kardə.

Əvon İndoneziya dıvlətiku tələbışon kardə ki Ərəbistonədə moyə noe fikədə məbon.

Ğeyd bıkəmon ki Ərəbistoni keral deştə 1500 nəfəriyə heyəti bə i co bə Asiya cənub şərğ məntəğəon səfər karde çərçivədə ımruj bo səyr və siyahət karde xoto bə İndoneziya Bali nomo bıə cəzirə şe.