Bə İrağ Əmirəbdullahiyani səfər

Seşəmbə şəvədə və bə İraği xarıci vəzir Fuad Huseyni rəsmiyə dəvəti əsos, İron İslom Respublika xarıci vəzir deştə ali heyəti bə ico bə Bəğdad səfərış kardə.

Bə İrna raporti əsos, ım səfərədə, Huseyn Əmirəbdullahiyan əlovə bə de İraği xarıci vəzir, de ım kişvəri prezident, iminnə vəzir, parlamenti yol, məhkəmə ali şura yol və İraği milli əmniyyəti şura yol vindemon və 2 qılə kişvəri rabitəon və məntəğə həmkoətion barədə de əvon votımonış kardə.

Asiya ğərb məntəğə ərəbə kişvəron miyonədə, məzhəbi və mədəni cəhəto İrağ de İron vey nez heste.

Hamsuyəon miyonədə vey barzə marzi soyb bey, (təğribən 1258 kilometr zəmini marz və 351 kilometr ovi marz), torixi, zıvoni, dini mıştərəkə çiyon və əmniyyəti və iğtisodi mıştərəkə mənafe iyən mıştərəkə təhdidon  İron və İraği rabitəonədə vey muhimmə mıvzoon bə hisob omeydə.

Oxonə soronədə bə mədəni, siyasi, məzhəbi veyə mıştərəkə çiyon xoto, İron və İraği rabitəon hevujəti , həmişə 2 qılə kişvəri rəsmi şəxson iminnə koonədə ğərorış qətə be.