Əmirəbdullahiyan: bəşər həxon şura bə ğərbi əbzaron əvəz bıə

İron İslom Respublika xarıci vəzir, Cenevrədə bəşər həxon şura iclosədə təkidış kardə: bəşər həxon şura ıştə vey muhimmə risoləti diyəro mandey ğərbi ğudrəton nəzədə bə siyasi əbzor əvəz bıə.

Zinə Deşəmbə İron İslom espublika xarıci vəzir Huseyn Əmirəbdullahiyan Cenevrədə bəşər həxon şura 52 minnə iclosədə nıtğış kardə.

Bə İran Peres aqentiyəti raporti əsos, Əmirəbdullahiyan votışe: bəpe hiç qılə kişvər ya qrup bəşər həxon mıhofizə kardey həx və soybeyədə ıştən inhisorkor həxi loyiğ nızno, ya co qılə kişvəron bəşər həxonku ışət təhlilon vədə təslim bıko.

İroni xarıci vəzir ijən əlovəş karde: Avropa kişvəron və co qılə kişvəron ki Amerkə zuə itərəfiyə hərəkətonku tərəfdorəti kardedən, İronədə bəşər həxon barədə sıhbət kardeyro əxloğiyə səlohiyətışon ni.

Əmirəbdullahiyan ijən təsdiğış karde: ım komilə dıdimətie ki İronıjə insoniyə həxon mıdufiə kəmon və eyni holədə İroni milləti çəvon iminnə həxonku bənə səhiyyə, təhsil və jimoniku məhrum bıkəmon.

İroni xarıci vəzir ijən İronədə bə Məhsa Əmini qamqinə bəvoti xoto, bə sulhomizə qırd bemonion bərpo bey işorəş karde iyən votışe: bə terroristiyə amilon mıdoxilə xoto, ım sulhomizə qırd bemonon bə vızməti səmt hərəkətış kardə və amerkə və İnqilisədə bəzi farsi zıvonə televeziya kanalon həm ıştə pesoxtə bıə xəbəiyə bərnoməonədə İronədə həminə terror və vızməti rəvoc və təlim dodə bin.

Əmirəbdullahiyan dınyo muxtəlifə vırəonədə terroristiyə qrupon icod bey və ozavziyə bey, holihazır dıvronədə vey muhimmə bıhrononku qıləyni elanış kardə və votışe: tojədən ğərbi bəzi kişvəronədə bə Kərimə Ğıroni be ehtıroməti kardey iyən İronədə bə Şahçiroği pokə hərəmədə terroristiyə hərəkəton əncom doey ki İroni 13 nəfər əcumlə be qınohə jenon və hırdənon kıştey bois bıə həminə koonku nımunəonin.

Əmirəbdullahiyan ijən bə DAEŞ-i ələyh bə Şəhid Sərdoe Ğasım Suleymani cəhdon işorəş karde iyən təkidış karde: İron İslom Respublika ıştə həmmə cəhdon əncon dodə ki Şəhid Suleymani şəhid kardey amilon bə ədoləti dast bıdə.