İroni kinə şoqirdon zəhrin kardə kəson rə peydo bəben

İroni dıvləti sıxənəvot de İroni kinə şoqirdon zəhrin kardə kəson vey ciddi iyən peşmonəkə rəftor karde xəbəş do və votışe: jenon iyən bəşər həxon barədə İroni nizomi karnomə çı ğərbi iddeo kardə kişvəron muğaisədə məlum heste boçi ki dəvardə 44 sori mıddətədə İroni nizom elmi, təhsil və varzış sahədə vey bə jenon xidmətış kardə.

Bə İran Peres aqentiyəti raporti əsos, Əli Bəhadori Cəhromi bə İronıjon har rujnə daxıli və beynəlxalğə muvəffəğiyəton işorəş karde və təkidış be: əqə har kəs ya har kişvəri İronədə inson həxon vəziyətiku niqəron heste mıdoxilə əvəzi təhrim və sanksiyaon peqəte cəhəto əməl bıko, boçi ki ın sanksiyaon əmələn səlomət baxşədə və iğtisodi inkişofədə mane icodış kardə.

Əv bə ğərbi kişvəron tərəfo çandə ğeyri insonə rəftoron əcumlə bə İron alodə xuni sadir karde kimiyavi silohon bə Səddam doe iyən İrağ-Əfğanıston, Yəmən və co kişvəronədə terroristi hərəkəton işorəş karde və İroni bəşər həxon vəziyəti barədə çı ğərbion iddeo vey be əsos iyən məsxərə vəsfış karde.

İroni dıvləti sıxənəvot çı İronıjə kinə tələbəon zəhrin karde senari barədə həm bə deşmonon əmniyyəti təşkilotin fəaliyəti dəvom peydo karde işorəş karde və votışe :vey rə ın xəbisə ko və plani amilon peydo bəben və de əvon vey ciddi iyən pəşmonəkə rəftor bəkamon.