2 tərəfinə əloğəon ijən bino kardeyro İron və Ərəbıstoni miyono saziş
İron və Ərəbiston ijən əloğəon normal kardeyro bə ğərol omin.
Çəy bəpeşt ki İroni prezident bə Çin səfərış kardə İroni milli əmniyyət şura sərkatib çand ruj muzakirəon bəpeşt çı İroni prezidenti səfəri təvafuğon bə vırə rosniyero Çinədə de Ərəbistoni milli əmniyyət ali sərkatib muzakirəon bəpeşt elanış karde ki İron və Ərəbiston rəsmən 2tərəfi əloğəon ijən bino bəkan.
Həminə muzakirəon oxoədə zinə ruj Əli Şəmxani Ərəbistoni milli əmniyyət şura məslehətçi Mosaed İbne Muhəmməd Ələyban və Çini dıvləti şura uzv iyən hakim partiya siyasi uzv Vanq i qıləy mıştərik bəyoniyədə ğeyd kardışone ki Çinədə mizbonəti iyən de Ərəbistoni muzakirəon çokə nəticəonış icod kardə və bə 2 qılə kişvəri miyono əloğəon normal bey bois bıə.
Həminə 3tərəfi bəyoniyədə ğeyd bıə ki bə votımonon əsos, İron və Ərəbiston bə ğərol omin ta tosə omə 2manqi ıştə miyono bıə diplomatik əloğəon ijən bino bıkon və ıştə səforətxonəon oj bıkon ki həminə cəhətədə 2 qılə kişvəri xarıci vəziron çı təvafuği bə nəticə rosniye iyən səfiron miyono koon hoston kardey cəhəto de yande vindemon bəkan.
Bə yande hakımiyəti ehtırom noe daxıli koonədə mıdoxilə nıkarde və bə nakonə iğtisodi, ticori sərmoyəon, texniki, mədəni, elmi və erj cıvonon və xususi əmniyyəti-hərbi sazişon əməl karde həm ım bəyoniyədə təkid be ta məntəğə və beynəlxalğ sulh iyən əmniyyəti təminəkə bıbu.
