Turizm baxşədə İron və Çini həmkoətion hevujəti
İroni dasti sənaye, turizm və mədəni irson vəzarətxonə muavin və Tehronədə Çini səfir turizm baxşədə bə İron və Çini həmkoətion hevujəti təkidışon kardə.
Bə Fars aqentiyəti 3şəmbə ruji raporti əsos, İroni dasti sənaye, turizm və mədəni irson vəzarətxonə muavin Əli Əsğər Şalbafiyan, Çini turizm baxşi fəalonku çand nəfəri cəmədə ki bə İron səfərışon kardə bin, votışe: İron və Çini rabitəon bə 2500 sor çımiku bənav obəqarde və vey dəvardə soronku millət de yande rabitəoşon be jəqo ki avşum caddə İron və Çin kişvəron miyono həmkoətion simvole, ısət həm devləton bə 2 qılə kişvəri miyono rabitəon zumandəti təkidışone.
Şalbafan ijən əlovəş karde: İroni devlət Çiniku turiston və mehmonon cəzbi əlovə bey cəhətədə, həmişə turiston varid bey hoston kardey koədə ğərorış do və bə həminə əsos, dovtələbonə surət Çini turistonro viza qətey peqəteşe və bə Çin mıstəğimə veyə pərəon mucude.
İronədə Çini səfir həm ım mərosimədə Çini turiston mizbonətiro, İron İslom Respublikaku ğədrdonətiş kardə və bə 2 qılə kişvəri milləti səfə hoston kardey və rabiton zumandəti təkidış kardə və votışe: dəvardə soronku İron və Çin de yande dustanə rabitəşon be və ım səfə bois bıə ki 2 qılə kişvəri milləti rabitəon vey bıbu.
