Moskvaədə İroni mudafiə vəziri vindemoni mehvər

Moskvaədə bıə 4 tərəfi iclosi kənoədə ki de İron, Rusiyə, Tırkiyə və Suriyəku nımoyəndəon iştiroki bərpo bıə, İroni mudafiə vəzir de həmonə kişvəron mudafiə vəziron co bə co vindemon və muzakirəş kardə.

Qeneral Muhəmməd Rıza Ğərai Aştiyani de Rusiyə mudafiə vəzir Serqey Şoyqo Suriyə mudafiə vəzir Əli Məhmud Əbbas və Tırkiyə mudafiə vəzir Xolosi Akar vindemon cərəyonədə 2tərəfi və reqional iyən beynəlxalğ əloğəon kənoədə bə həmkoətion inkişofi xususi de terrurizm mubarizə bardey çərçivədə təkidış karde.

Tojə 4 tərəfi iclosədə bə Suriyədə əmniyyəti stabiləti iyən Tırkiyə və Suriyə miyono əloğəon normal kardey təkid bıə və bəyoniyə çərçivədə de İŞİD iyən co radikali qrupon mubarizə bardey bənə qıləy muhimmə prinsipi nəzə dəqətə be.

Suriyə ərazi təmamiyyəti oqəte və Suriyə avarəon bəştə sərzəmin oqarde həm əcumlə muzakirəon mehvər ğeyd bıə.