İroni 6.7 milyard dollari ticorət

İroni qomrok elanış kardə: Fərvərdinə manqədə İroni ticorət bə 6.7 milyard dollar rəsə.

İroni qomrok xəbəş do: ımsori Fərvərdinə manqədə kişvəri ticori təraz bə 6 milyardo 732 milyon dollar rəsə.

Bə İroni qomroki raporti əsos, cari sori Fərvərdinə manqədə, 10 milyono 471 həzo ton əmtəə bə 3 milyardo 645 milyon dollar erj bə xarıc ixrac bıə ki vəzni cəhəto 17.76 faiz əlovə bey nışoş do.

Bə həminə raporti əsos, 1402 minnə sori Fərvərdinə manqədə 1 milyonon 829 həzo ton əmtəə bə 3 milyardo 87 milyon dollar erj bə kişvər varid bıə.

Maye bıə təbii qaz, maye bıə propan, maye bıə botan, kılçə və .... əcumlə İroni ixracati vey muhimmə məhsulon bin.

Həmçınin Fərvərdinə manqədə, Çin, İrağ, Tırkiyə, İ Bıə Ərəbə Əmirəti və Hınd 5 qılə vey muhimmə İroni ixracati məğsədə kişvəron bin.