Bə Rusiyə, Ğəfğaz və Mərkəzi Asiya kişvəron İroni ixracati əlovə bey
Ticori inkişofi təşkiloti Rusiyə, Ğəfğaz və Mərkəzi Asiya yol, bə Rusiyə, Ğəfğaz və Mərkəzi Asiya kişvəron İroni ixracati əlovə beyku xəbəş do.
İroni ticori mıbodiləon, de hamsuyə kişvəron xususi Mərkəzi Asiya vey çəşəçi peydoş kardə.
Ticori inkişofi təşkiloti Rusiyə, Ğəfğaz və Mərkəzi Asiya yol, Rəhmətullah Xormali votışe: dəvardə sorədə, yəni Şəmsi 1401 minnə sorədə, bə Mərkəzi Asiya kişvəron İroni ixracat, 18 faiz və ımsori Fərvərdinə manqədə dəvardə sori muğaisədə, 50 faiz əlovə bıə.
Bə İroni ticori inikişofi təşkiloti raporti əsos, ,Xormali de işorə bə İroni ixracati koon əlovəş kardə: dəvardə sorədə, bə Rusiyə, Ğəfğaz və Mərkəzi Asiya kişvəron İroni ixracat bə 3 milyardo 200 milyon dollariku vey rəsə ki de 1400 minnə sori muğaisədə, 18 faiz əlovə bey nışoş do.
Ticori inkişofi təşkiloti Rusiyə, Ğəfğaz və Mərkəzi Asiya yol həmçınin votışe: 1400 minnə sorədə, bə ım kişvəron İroni ixracat 40 faiz əlovə peydoş kardə.
