Amerkə, 13 həzo DAEŞ-i ailəon bə İrağ ovoştoniyəşe

Amerkə bo təğribən 13 həzo nəfər DAEŞ-i amilon ailəon, Suriyədə Əlhol kəmpiku bə Moselədə Əlcədə kəmpi ovoştoniyero plan kəşey holədəy.

Bə Əlməlomə xəbəiyə mərkəzi raporti əsos, Qıləy aqahə siyasi mənbə votışe: Amerkə bo təğribən 13 həzo nəfər DAEŞ-i amilon ailəon, Suriyədə Əlhol kəmpiku bə Moselədə Əlcədə kəmpi ovoştoniyero plan kəşey holədəy.qıləy hərəkət ki çəy hədəf, ım terroristiyə qrupi fəaliyəti oqardeyro zəminə icodəkəy.

Im siyosi mənbə ijən votışe: Suriyə və İrağədə, çand kərə DAEŞ iyən Amerkə həmkoətion subit bıə, həlbətə Amerkə siyosi rəsmi şəxsonku kali həm təsdiğışon kardə bin ki DAEŞ, Amerkə dastiku soxtə iyən icod bıə.

Həminə aqahə mənbə ijən təkidış kardə ki Amerkə pidəşe makzimum tosə cari sorədə, Əlhol kəmp dəbastə ko, ijən dəvomış do ki ım hərəkət bois bəbe ozod bıə ostanon əmniyyət məhv bıbu.

Qıləy holədə ki İrağ de Amerkə plan moxalifətış kardə, həmonə plan ki çəy hədəf, DAEŞ-i həmmə ailəon Suriyəku bə İraği kişvər oqordoniye.

İrağədə bıə əmniyyəti məsələon koşınosonku qıləyni, Ədnan Əlkənani həm votışe: Bəğdadədə Vaşenqtoni səfir, Elina Romanofski qıləy plani rəhbəri ohdəş heste ki bızono məntəğə stabiləti və İraği əmniyyəti məhv ko.