Rəyisi və Məkroni telefoniyə votımon

İron İslom Respublika iyən Fransə Prezdent de yande telefoni votımonışon kardə.

Prezdenti təşkiloti siyosi muavin, Muhəmməd Cəmşidi İron və Fransə prezdenton telefoniyə votımoniku xəbəş do.

Bə Təsnim aqentiyəti raporti əsos, Prezdenti təşkiloti siyosi muavin, Muhəmməd Cəmşidi ıştə şəxsiyə səhifədə yəni Tıvitterədə nıvştəşe: Şəmbə rujədə, Fransə prezdent, Emanoel Məkron de İron İslom Respublika prezdent Seyd İbreym Rəyisi telefoniyə votımon əncom dodən.

Prezdenti təşkiloti siyosi muavin, Muhəmməd Cəmşidi həminə telefoniyə votımoni barədə nıvıştəşe: Emanoel Məkron de İron İslom Respublika Prezdent 90 dəğiğə votımonış kardə.

Məkron ım telefoniyə votımonədə təkidış kardə: de İron İslom Respublika rabitəon hevuj kardey dumoədəmone.

İron və Fransə prezdenton həmçınin rabitəon inkişofi barədə, xususi sanksiyaon peqətey muzakirəon və məntəğə təhəvulaton barədə məşvərət və rabitəo dəvomi metodi barədə de yande sazış kardışone.