İron və Kuba miyono 6 qılə həmkoəti sənəd imzo bey

İron və Kuba ali rəsmi şəxson de 2 qılə kişvəri prezdenton iştiroki 6 qılə həmkoəti sənəd imzo kardışone.

İslomi İnğilobi səbarzəti tosə ısət, İron de Latin Amerkədə kali kişvəron əcumlə Nikaraque, Kuba, Venesuela və Bolivi vey çokə rabitə bərğərorış kardə. Im kişvəron de emperializm və qlobal istikbor bə Amerkə rəhbəriyəti mubarizə bardeyədə dırozə kanəti soybin.

Dəvardə soronədə İron və Latin Amerkə inkişofinə kişvəron miyono həmişə hevujə rabitə mucud be və ım rabitəon iğtisodi, ticori, sənaye, enerji, tib və co baxşonədə bə nav şey holədə be.

Həminə cəhətədə bə İrna raporti əsos, de İron və Kuba prezdenton iştiroki 2 qılə kişvəri miyoni 6 qılə həmkoəti sənəd imzo bıə.

Im sazışon məhkəmə, siyasi komilə həmkoətion, qomroki rabitəon və kəşfiyot texnoloqiya baxşonədə be ki de İron və Kuba ali rəsmi şəxson vositə imzo bıə.