Tehroni cımə İmomi xətib: atomiyə sənaye,bə milləti rifohi boyis bəbe

Tehroni cımə İmomi xətib atomiyə sənaye sulhomizə texnoloqiya baxşədə İron İslom Respublika inkişofon milləti rifoh boisəkə zınəşe.

Bə Tele-Rədio aqentiyəti raporti əsos, Tehroni cımə nımoji xutbəonədə, Tehroni cımə nımoji xətib, Huccətul İslom vəl muslemin Kazım Seddiği bə İroni atomiyə sənaye inkişofon iyən bə İslomi İnğilobi Yolə rəhbəri votey əsos bə ım baxşədə inkişofon dəvomi təkid, işorəş kardə iyən votışe: İnğilobi yolə Rəhbər, atomiyə sənaye inkişofon, izzəti boisəkə zınəşe boçi ki atomiyə sulhomizə sənaye de milləti səlomət və rifoh rabitəş heste.

Tehroni cımə nımoj ijən bəyonış kardə: İroni atomiyə sənaye alimon, İroni estedadinə cıvononku hestin, əv ijən təsdiğış kardə: atomiyə sənaye çəmə siyosi iyən beynəlxalğə erji əlovəş kardə və ımruj dınyoədə çəmə kişvər atom, sənaye, texnoloqiya, mudafiə və hərbi baxşonədə inkişofinə kişvəronku bə hisob omeydə.

Huccətul İslom vel muslemin Seddiği ijən bə de hamsuyəon İroni rabitəon hevujəti və bə Latin Amerkə kişvəron İron İslom Respublika prezidenti səfə işorəş kardə iyən votışe: bə Latin Amerkə İbreym Rəyisi səfə Amerkə vırə be veyə mesaji soybe.

Tehroni cımə İmomi xətib ijən de Ərəbiston İroni siyosi rabitəon tojədən bino bey barədə votışe: ımruj Ərəbiston iyən məntəğə kişvəron bə ım nəticə rəsəşone ki de İroni rabitə bərğəror kardey əmniyyət, izzət və ğudrət icod bəbe, və xarıcion xususi Amerkə bə ım nəticə rəsəşone ki məntəğədə hiç vırə soyb nin.