Həzrəte Ayətullah Xamenei: İslomi İnğilob, İronış çı tənəzzuliku nicotış doə.

Həzrəte Ayətullah Xamenei çand sa nəfər şəhidon inəon, dədəon və həyot həmroon vindemonədə, İslomi İnğilob, əxloği, dini və siyosi tənəzuli dəku İroni xılosko zınəşe.

Bə Rəhbəri Yolə məğomi təşkiloti məlumatrosniyə raporti əsos, ımruj işəmbə İnğilobi Yolə Rəhbər Həzrəte Ayətullah Xamenei ım vindemonədə hamiyəşe: inğilobi səbarzəti bəpeşt, İroni cıvonon həmmə hodisəonədə ıştən sinəşon bənav doşone və muxtəlifə xəbisə planon, təhdidon bə fırsəton əvəz kardeyədə  bə İron izzət iyən səbarzəti hədyə kardışone.

İslomi İnğilobi Yolə Rəhbər şəhidon İroni torixi ğəhrəmonon zınəşone və muxtəlifə baxşonədə əcumlə ğıroni, cihodi, insoni və ictimai cəhəto de şəhidon ailəon ali vırə təbyin kardey, hınə iyən mediya əholiku tələbış kardə ki cıvonə nəsliro ulqu bey və şəhidon yodi bəji kardeyədə harçəxtə cəhd kon.

Həzrəte Ayətullah Xamenei  şəhidon inəon, dədəon və həyot həmroon bənə muğəddəsə mudafiə, əmniyyət, hərəm və ətəbat iyən dəvardə sori hodisəon muğabilə kardey şəhidon yod iyən xotirəon mislış nıbıə xəzinə zınəşe və əlovəş kardə: ım ğəhrəmonon rəftor, əxloği xusiyəton, jimoni metod və çəvon jumoni təhəvulaton, ictimaro xususi nocıvonon və cıvononro ulqu soxtey zınəşe ki ım ulqu soxteyədə şəhidon ailəon xotirəon muntəşir kardey vey muhimmə rolış bəbe.