Dınyo 31 qılə kişvəronədə nəvuzə idi mərasimon bərpo bəbe.

İroni islamiyə rabitə və mədəniyət təşkilat elanış kardə ki de diğğət bə nəvuzə idi dəme ımsor mədəni və hınə soyibə qrupon bo nəvuzə idi festivalon və şoə mərasimon dəvoniyero bə 31 qılə kişvəron vığandə bəben.

Bə İrna raporti əsos ım təşkilat təsdiğış kardə: çı İroni islamiyə rabitə və mədəniət təşkilati İronıjə şəhrvandon mədəniyə şobə hicri şəmsi 1396 minə tojə sori nəvuzə idi mərasimon dəvoniyero çandə mədəniyə qruponış bə dınyo kişvəron vığandəşe.

İroni islamiyə rabitə və mədəniyət təşkilati raportədə: nəvuzə idi festivalon har sor və bo tojə sori xoto çın təşkilati tərəfiku icra bıdə və omə sorədə həm 28 qılə mosiği və mədəniyə bərnoməon icra əkə qrupon bə dınyo 31 qılə kişvəron əcumlə İsveç, Danimarka, Finlandiya, Norveç, Bosniya və Herseqovina, Cənubi Afrika, Filipin, Ğəzaxıstan, Tailand, Hindıstan, Tırkiyə, Rusiyə və Azərbaycan Respublika vığandə bən.

Marti 20 nəvuzə idi şoə mərasimon İron, Əfğanestan, Tacikiston, Turkəmenestan, İrağ, Azərbaycan Respublika və Tırkiyədə bino bəbe.

Bo İronıjoro nəvuzə id hicri şəmsi i minə ruj və de Fərvərdinə manqi dəmə bərobəre ki çın ruji şoə mərasimon İroni kanə rəsm və adətonku qıləy ğədimi bə irs mandə mədəniyəte.