Rəyisi: məntəğədə İron İslom Respublika ğıvvon iştirok əmniyət icod kardedə

İron İslom Respublika prezdent təkidış kardə: ım məntəğə həmmə vırəonədə İron İslom Respublika ğıvvon iştirok, əmniyyət soxtey bois bəbe.

Zinə çoşəmbə İroni prezdent, Seyd İbreym Rəyisi yolon iclosi salonədə pokə hərəmi mudafiə kardə şəhidon yol qətey mərosimədə votışe: şəhidon nışo dodən ki ıştən zəmonədə ruşin fikonku bin boçi ki ictima zərurəton zıneyşone və rol ifo kardeyro təhdid ğəbul kardeyro hozzoin.

Rəyisi ijən Şəhid Hac Ğasım Suleymani yod və nomi bəyon kardey bəpeşt, votışe: ımruj, Şəhid Suleymani xun, Ğasım Suleymaniku deşmononro vey təhdidine və ictimaədə ım yolə şəhidi roy və hədəf iyən nom inson soxtey bois bəbe.

Prezdent ijən votışe: şəhidon mesaj, həxtələbəti, islomi erjon oqətey, vəliku itoət kardey, əmniyyət, oroməti, inkişof və Xıdo royədə muğaviməti mesaje.

Rəyisi ijən təsdiğış kardə: DAEŞ-i cərəyon islom dınyoədə fitnə icod kardey dumoədə bin, və omə bin ki ğətliam bıkon və kəon xərob bıkon əmmo şəhidon vədə məğlub bin.