İron və Rusiyə ticori maneon peqətey koyədə cəhdon
Moskvaədə İroni səfir de Tehroni ostani istehsoləkəyon iclosədə İron və Tırkiyə ticori mıbodiləon maneon və inkişofi hələkəroon təğib bıə.
Bə İrna raporti əsos, Çoşəmbə rujədə, Tehroni ostani iğtisodi heyət bə ostandari rəyosət iyən 30 qılə şirkətiku nımoyəndəonku bə Moskva varid bıə və de Rusiyədə İroni səfir vindemon və votımonış kardə.
Im iclosədə ki əlovə bə ostandar iyən kali devləti rəsmi şəxson, Tehroni ostani ticori palata muavin və kali ım ostani şirkəton mudir həm iştirokışon be, Rusiyədə İron səfir, de işorə bə dəvardə soronədə həmkoətion inkişofi illəton, ixrcati inkişofiro, bə xususi baxşi plan kəşey iyən chdon zərurt təkidış kardə.
Tehroni ostandar Əlirıza Fəxari de İron və Rusiyə ticori və iğtisodi rabitəon təğib kardey votışe: bə Rusiyə ələyh ğərbi kişvəron sanksiyaon ım kişvəri vojorədə İroni şirkəton rol icod kardeyro qıləy fırsət icodış kardə ki bəpe de mınosibə plan kəşey ım vəziyətiku bə milli istehsoli mənafe istifodə kəmon.
Tehroni ostani ticori palata muavin Məhdi Sadıği Niyarəki həm votışe: Tehron, 35 fayiz İroni daxıli umumi istehsol soybe və bəpe de ticori palata iyən ostandari və səforətxonə miyono mıştərəkə komitə icod kardey, de Rusiyə həmkoətion əlovə bıkon.
