Niqeriya İslomi Hərəkoti Rəhbər: "Ələğsa Tufan" sionist rejimi məğlubiyətiro binoəkə əməliyot be
Niqeriya İslomi hərəkəti Rəhbər təkidış kardə: Ələğsa Tufani əməliyot sionist rejimi puçə ləşkəri bə dumo kırniye və məğlubiyətiro binoəkə əməliyot be.
Bə sionist rejimi cinoyəton cəvobədə Fələstini muğaviməti ğıvvon, Milodi 2023 minnə sori Oktiyabrə manqi 7 minnə rujiku işğol bıə sərzəminonədə bə sionist rejimi vırəon ələyh, Ğəzzə tanqəku "Ələğsa Tufan" həmmə tərəfiyə əməliyoti bino kardışone.
Sioniston fociə omizə məğlubiyət, 1000 nəfəriku vey sioniston bə həlokət rosniye iyən kali hərbi bazaon və qədə şəhron dastiku doey, bois bıə ki dəvardə rujonədə ım rejim çand kərə bə ğeyri hərbion və be qınohə milləton həmləko iyən de ım şəhri mıhosirə kardey canqi cinoyət əncom bıdə.
Bə İrna raporti əsos, Niqeriya İslomi hərəkəti Rəhbər Şeyx İbreym Zəkzaki Məşhədi cımə nımoji xutbəonku bənav votışe: təğribən dəvardə 70 sori mıddətədə Fələstini millət sioniston dəvominə cəmi ğətli-am iyən zılmi jintonədə ğəror qətəşone və dəvardə soronədə dınyo həmmə mısılmonon dəvomin surət bə Məscidul-Əğda sioniston be ehtıroməti kardey şoyd bin.
Zəkzaki de işorə bə israili cinoyəton və bə Əlmədani noxəşxonə həmlə əlovəş kardə: ə çi ki Ələğsa Tufani əməliyotədə icod bıə, bə 70 sori mıddəti israili cinoyəton cəvob be.
Bə Zəkzaki votey əsos, ım əməliyot nışoş do ki israili əmniyyəti və kəşfiyot mərkəzon anədə bezu iyən zəif hestin əvon hətto Ələğsa Tufani bino bey zəmoniku həm hiç məlumatışon nıbe və çəy vəy qətey əzı nıbin.
