Rəyisi: Ğəzzə canq, şərofət və şərə xısləti mehvəri dimbədim omeye.
Ərəb ittifoğ və İslomi həmkoəti təşkiloti mıştərəkə iclosədə,İron İslom Respublika prezdent təkidış kardə: Ğəzzə macra, şərafəti mehvər de bədxuyəti mehvəri vədə dimbədim bıye və həmmə bəpe təyin bıkon ki kom səmtədə ğəror qətəşone.
Zinə Şənbə Ər-Riyadədə ərəb ittifoğ iyən islomi həmkoəti təşkiloti mıştərəkə iclosədə, İron İslom Respublika prezdent, Seyd İbreym Rəyisi dəvardə 5 haftə mıddətədə, bə Ğəzzə məzlumə milləti ələyh, Amerkə devlət sioniston cinoyəton vey muhimmə şərik iyən Amel zınəşe və votışe: ısət ki beynəlxalğə icmaon Amerkə nıfuzi jiədə, be huviyət, be ğərol ğətey və be foydin bıən bəpe meydoni bə dast bıqətəmon.
Rəyisi, bə Fələstini milləti mənafe, ğoymə ğərol qəteyro 10 qılə hələkə roy və təcili təklif bəyonış kardə ki "Ğəzzə milləti ğətli-ami oqətey, Ğəzzə insoni mıhosirə komil surət peqətey, ım məntəğəku sionist rejimi hərbi təcili xarıc bıey,de islomi kişvəron vositə de sionist rejimi harcurnə siyosi və iğtisodi rabitəon ğət kardey, sionist rejim və Amerkə yolon təğib və cəzo doeyro beynəlxalğə məhkəmə təşkil doey, de islomi kişvəron vədə Ğəzzə təcili tojədən obod kardeyro məxsusə fundi təsis kardey,islomi kişvəronku bə Fələstini millət humanitarə koməkon vığandey" ım planonin ki ım iclosədə bəyon bıə.
Bə İrna raporti əsos, İron İslom Respublika ıştə nıtği dəvomədə əlovəş kardə: işğolçiyə rejim de beynəlxalğə həxon darşiye, bə Ğəzzə tanqə milləti ələyh canq icodış kardə, komək rosniyə kəson və jurnaliston və tib kadron ğətli-am iyən noxəşxonəon bombardımon kardey ım cinoyəti co qılə dəhşətinə cinoyət bə hisob omeydə.
Rəyisi ijən votışe: israil Amerkə ğeyri ğanuniyə hırdəne.
İron İslom Respublika ijən əlovəş kardə: Amerkə işğol bıə sərzəminonədə deştə əmniyyəti kabineti təcili icod kardey, bə be pənohə milləti ələyh sionist rejimi təşviğ kardedə ki bəştə cinoyətkorə əməliyoti dəvom bıdə.
